Шилегов: Правиме се во најкус рок правно да ја расчистиме трасата на булеварот „АСНОМ“
Паушални се проценките дека Градот не нуди доволно средства за откуп на објектите во скопската населба Керамидница за правно да ја расчисти трасата што треба да се реализира во третата фаза од изградбата на булеварот „АСНОМ“, порача денеска градоначалникот на Град Скопје Петре Шилегов.
-Не верувам дека е некој незадоволен од цената што ја нудиме за експропријација. Вчера и завчера имав средба со граѓани од Керамидница, а и денеска имам средба со трета група на граѓани од таа населба. На средбите говориме за просечна цена од околу 800 евра по квадратен метар станбен простори и околу 8.000 денари за квадратен метар дворно место. При тоа, како Град имаме волја да помогнеме да им ги забрзаме постапките за легализација и откуп на земјиште со цел да ги доведеме во правна позиција да можеме да склучиме договори за експрорпијација, рече Шилегов во одговор на прашање при денешната посета на средното училиште „Михајло Пупин“.
Тој нагласи дека се работи и на изнаоѓање на определени методологии со цел да не се оштетат граѓаните на Керамидница, а при тоа во најкраток рок да се реализира коридорот кој е неопходен за развој на Градот.
Посочи дека до крајот на годинава треба да заврши првата фаза од реализацијата на булеварот „АСНОМ“ по што ќе почне втората фаза, односно изградбата на мостот преку Вардар.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка