Шилегов: Јас повеќе верувам во Господ, отколку во датуми
Јас сум припадник на Македонската православна црква и тоа го почитувам. Она што мислам дека се наметна како лажна дилема кога е верата во прашање, е дека не се слават датумите, туку Бог. Од тие причини, ако го славите Бог, тогаш веројатно е и релевантен датумот, изјави градоначалникот на Град Скопје, Петре Шилегов, во врска со неговиот предлог за датумот за прославата на Божик.
– Она што јас лично го размислувам и убеден сум дека тое е мислење можеби на 80 проценти на граѓаните на државата, припадници на МПЦ. Треба да знаеме дека надвор од припадниците на МПЦ има и други граѓани кои се во друга христијанска црква, католичката, протестанската. Моето лично мислење е дека тој тип на големи празници Божик, Велигден, треба да ги славиме сите заедно. А, пак велам, во што верувате вие: во датумот или во Господ. Тоа е клучното прашање кое треба да го поставува секој од нас. Јас повеќе верувам во Господ, отколку во датуми, одговори Шилегов на новинарско прашање на денешната промоција на новиот парк во населба Топанско Поле.
Тој посочи дека Синодот е тој што одлучува и дека кога ќе биде Божик има различни верски пресметувања.
– Моето лично мислење е дека тоа треба да го правиме со остатокот од цивилизираниот свет. Освен нашата држава, Русија и Србија не постои друга држава што го применува Јулијанскиот календар во пресметувањето на времето. Меѓутоа, тоа е одлука на Синодот, рече Шилегов.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација