Шестмина хоспитализирани откако автомобил удрил во нив пред ноќен клуб во Велс
– Шест лица се пренесени в болница откако возило удри во „група пешаци“ пред еден паб во јужниот дел на Велс, соопшти синоќа локалната полиција.
Полицијата потврди дека добила повик околу 20:30 часот откако возилото удрило во пешаците во близина на ноќниот клуб Виндзор во Понтиклун, околу 18 километри западно од Кардиф.
Според полицијата, 79-годишниот возач на автомобилот „Форд Пума“ веројатно претпрел некаков здравствен проблем, поради што изгубил контрола врз возилото и удрил во луѓето.
Возачот на автомобилот се наоѓа во критична состојба, еден од повредените е со потешки повреди, а четворица се здобиле со полесни повреди.
– Ова беше многу вознемирувачки инцидент и благодарни сме на луѓето кои им помогнаа на повредените веднаш по судирот, изјави главниот полициски инспектор Џејмс Рати.
Полицијата започна истрага за несреќата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка