Шест македонски автори претставени во Софија
Пред многубројна публика во Културно-информативниот центар на Република Македонија во Софија вчеравечер беа промовирани шест романи од помладата генерација македонски писатели преведени на бугарски јазик.
Бугарските книгоиздателства „Персеј" и „Изида" во изминатите две години издадоа десетина книги на македонски автори, а на оваа промоција беа претставени романите „Вишновата хроника" од Фросина Пармаковска, „Куфер за тројца" од Живко Грозданоски, „Бездомникот со златен часовник" од Вера Калин, „Црвено и бело" од Михајло Свидерски, „Безимената месечева соната" од Давор Стојановски и „Очи со боја на чевли" од Петар Андоновски.
- Овие дела веќе предизвикуваат интерес кај бугарската читателска публика, а во Македонија беа финалисти на наградата „Роман на годината", Оваа генерација македонски писатели предизвикува исклучителен интерес и кај стручната јавност, но најмногу кај читателската публика. Наградувани се со бројни домашни, но веќе и со меѓународни признанија, информира КИЦ на РМ во Софија.
За авторите и нивните дела зборуваа Васко Шутаров, од име на домаќинот и иницијатор на овој проект - Културно-информативниот центар на Република Македонија, Пламен Тотев од име на книгоиздателствата „Персеј" и „Изида", и Тања Попова од име на преведувачите на овие дела.
- Интересот за конкурсот на Министерството за култура за поттикнување на превод на македонски автори во странство, имаше исклучителни резултати во книгоиздателството во Бугарија. Изминатите неколку години, преведени се и издадени повеќе од 25 дела, од сите литературни жанрови и од сите писателски генерации. КИЦ на Република Македонија веќе ги промовираше стихозбирките „Ѕвезден корен" од академик Анте Поповски и антологијата на современата македонска поезија „Портал на сонцето". До крајот на годината ќе бидат промовирани дела од академиците Влада Урошевиќ и Луан Старова, како и неодамна излезениот роман на Јулијана Величковска „Годишни времиња", наведува КИЦ на РМ во Софија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово