Шест лица загинаа кога бомбаш-самоубиец се разнесе на свадба во Авганистан
Најмалку шест лица загинаа, а 40 се повредени кога 13-годишен бомбаш-самоубиец се разнесе денеска за време на свадба во авганистанската провинција Нангархар, соопштија локалните власти.
Полицискиот претставник Фајз Мохамад Бабархил изјави дека момчето се разнело на свадбата организирана од командантот на провладините сили Малик Тур, кој загинал и најверојатно бил мета на нападот.
Портпаролот на гувернерот на провинцијата Нангархар, Атаула Когиани истакна дека повредените се пренесени в болница, додека локалното население тврди дека 10 лица загинале во нападот.
Засега никој нема преземено одговорност за нападот, но во источниот дел на Авганистан се присутни и талибанците и огранок на џихадистичката група Исламска држава.
Експлозијата се случува само неколку денови по историските разговори меѓу авганистански претставници и талибанците, како дел од напорите, предводени од САД, за прекин на војната.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово