Шест лица повредени во сообраќајка во близина на Лешок
Шест лица се повредени од кои тројца потешко во сообраќајната несреќа што се случи на регионалниот пат Тетово - Јажинце во близина на селото Лешок.
Портпаролот на СВР Тетово, Марјан Јосифовски информира дека сообраќајната несреќа се случила во 16 часот и 10 минути, а во неа учествувале две патнички возила од кои едното „БМВ“ со тетовски таблички управувано од 16-годишен малолетник од Слатино и „шевролет авео“ со тетовски таблички управувано од 28-годишниот М.А. од Џепчиште.
- Во несреќата, 16-годишниот малолетник се здобил со тешки телесни повреди и од Тетовската клиничка болница како итен случај е препратен на скопските клиники и се наоѓа во животна опасност, изјави Јосифовски.
Во Тетовската клиничка болница биле донесени и жената која го управувала шевролетот, нејзините две деца и сопатникот. Кај едно од децата се констатирани потешки повреди, а тешко повреден бил и работник на бензинската пумпа на „Лукоил“ кој се здобил со скршеница на ногата и е задржан на лекување.
По овластување на јавениот обвинител увид на местото извршила екипа од СВР Тетово и според првичните информации причина за несреќата е преголемата брзина и недржењето страна. Двете возила имаат големи оштетувања. Малолетникот најверојатно немал соодветна возачка дозвола, а возилото што го управувал, не било регистрирано.
- Се работи на целосно расчистување на околностите поврзани со оваа сообраќајка, посочи Јосифовски.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок