Шест лица повредени во сообраќајка на надвозникот кај Даме Груев
Шест лица од кои три потешко се повредени во сообраќајна несреќа што се случи вчера околу 17:55 часот на надвозникот во скопската населба Даме Груев.
Од МВР информираат дека вчера во 17:55 часот на улицата „Лука Геров“ во Скопје се случил судир помеѓу патничко возило „Опел астра“ со скопски регистарски ознаки, управувано од Д.Т. (60) од скопското село Орман и патничко возило „Хјундаи“ со скопски регистарски ознаки, управувано од К.К. (49) од Скопје.
- По судирот, возачите Д.Т. и К.К. со возило на Итна медицинска помош биле пренесени во Градската општа болница „8 Септември“, каде им биле констатирани тешки телесни повреди и биле задржани на лекување. Сопатникот од возилото „Опел астра“- А.Т. бил пренесен во Ургентен центар во Комплексот клиники „Мајка Тереза“ во Скопје, каде му биле констатирани тешки телесни повреди и бил задржан на лекување, се наведува во полицискиот билтен.
Со телесни повреди во сообраќајката се здобиле и педесет и шестгодишниот Б.Т. и 10-годишно дете кои биле сопатници во возилото „Опел астра“, како и 15-годишна сопатничка во возилото „Хјундаи“. По укажаната помош во Градската општа болница „8 Септември“, тие биле пуштени на домашно лекување.
Увид на местото на настанот извршила екипа од СВР Скопје.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО