Шекеринска во Брисел на состаноци на Северноатлантскиот совет
Министерка за одбрана Радмила Шекеринска денеска и утре во седиштето на НАТО во Брисел, пред министрите за одбрана на земјите – членки на Алијансата, ќе го изнесе ставот на Северна Македонија во однос на мисиите и операциите на Алијансата, справувањето и градењето отпорност против хибридните закани и за зголеменото буџетирање на одбраната.
На состаноците на Северноатлантскиот совет, министерката Шекерниска ќе ја реафирмира поддршката која ја дава нашата земја во мисијата „Одлучна поддршка“, преку долгогодишното учество на припадниците на Армијата во сите досегашни мисии на Алијансата во Авганистан.
По потпишувањето на пристапниот протокол, Северна Македонија активно учествува на сите состаноци на Алијансата, а по завршување на ратификациониот период, нашата земја како полноправна членка ќе има и право на глас.
Ова е трето учество на министерката Шекеринска на состаноците во Алијансата на највисоко ниво, што покажува дека нашата земја функционира како член на НАТО.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација