Шекеринска-Јазбец: Интензивните контакти, показател за одличните односи меѓу Македонија и Словенија
Македонија и Словенија имаат долгогодишна интензивна соработка во сите области, вклучувајќи ја и одбраната и таа соработка треба да продолжи да се развива, имајќи предвид дека двете земји имаат одлични билатерални односи базирани на партнерство и поддршка. Ова го заклучиле на денешната средба во Министерството за одбрана, министерката Радмила Шекеринска и амбасадорот на Словенија во Македонија, Милан Јазбец.
Министерката Шекеринска, како што соопшти нејзиниот кабинет, се осврнала на клучната стратегиска цел на Република Македонија – членството во НАТО-Алијансата. Таа истакнала дека Владата е целосно посветена на итни реформски зафати кои ќе ја забрзаат интеграцијата во оваа безбедносна организација. Шекеринска изразила задоволство што во Македонија, две од клучните позиции на ЕУ и НАТО, амбасадорот Жбогар и шефот на Канцеларијата за врски на Алијансата, морнаричкиот капетан Бартол доаѓаат од Словенија.
- Словенија во интегративните процеси секогаш стоела до Македонија, поттикнувајќи не на активност, и за тоа сме благодарни, нагласила Шекеринска.
Министерката посочила дека досегашната блиска соработка и координација поврзана со безбедноста и стабилноста на регионот, особено во време на мигрантската криза, ќе продолжи и во иднина.
Амбасадорот Јазбец ја потврдил безрезервната поддршка за членството на Македонија во НАТО и изразил подготвеност интензивните средби и контакти да продолжат и во иднина. Тој додал дека позитивниот момент во кој се чувствува новиот оптимизам, треба да се искористи, за што побрза интеграција на Македонија во евроатлантските структури, и на тој пат Словенија ќе обезбеди потполна поддршка.
Македонија и Словенија во областа на одбраната соработуваат од 1994 година. Словенија беше втората држава со која Македонија по независноста потпиша Договор за соработка. Планот за билатерална соработка за 2017 година вклучува голем број активности како користењето на заедничките капацитети, обуките и школувањата на припадниците на двете Армии и слично.
Ново на Сител
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир