Свет
30. August 2017 - 9:43

„Шарли ебдо“ објави карикатура на ураганот Харви

Француското сатирично списание „Шарли ебдо“ на насловната страница од новиот број, што излезе денеска, објави карикатура за ураганот Харви, од кој се предизвикани огромни штети во американската држава Тексас. 

Карикатурата вчера беше објавена на Фејсбук страната на списанието. 

На неа се забележуваат знамиња на Третиот Рајх до половина потопени во вода. Од водата излегуваат раце, кои го прикажуваат нацистичкиот поздрав. 

На цртежот има текст што гласи: „Бог постои! Тој ги удави сите неонацисти во Тексас“. 

На тој начин списанието ги поврза поплавите што беа предизвикани од ураганот Харви со неодамнешните судири во Шарлотсвил, каде се судрија неонацисти и антирасисти.