Шапуриќ: Олеснување на прометот на стоки преку редуцирање на царинските бариери во ЈИЕ
Министерката без ресор задолжена за странски инвестиции Зорица Апостолска и министерот без ресор задолжен за регулатива за подобрување на инвестициската клима за домашните претпријатија Зоран Шапуриќ учествуваа на шестиот „Регионален самит на претприемачи на Средна и Југоисточна Европа – 300 најдобри“, што од 22 до 24 март годинава се одржа во Дубровник, Хрватска.
Министерката Апостолска, како што информираат од нејзиниот кабинет, порачала дека со зачленувањето во НАТО и цврстата определба за отпочнување на пристапни преговори со ЕУ, Владата внела политичка стабилност и заедно со економските политики креирала опкружување кое делува охрабрувачки за припадниците на бизнис заедницата.
– Како Влада посветено работиме на поддршка на духот на претприемништвото во нашата економија, нудиме поддршка и тоа конкретна, финансиска, за сите кои воведуваат промени и иновации во економската активност, кои имаат креативни идеи. Претприемачкиот дух го поддржуваме во развивањето на нови механизми за освојување на пазари, за воведување на нови технологии и начини на организација на деловната активност, истакнал Апостолска.
Министерот Шапуриќ, говорејќи за значењето на државните институции во развивањето на соработка помеѓу бизнис заедниците од регионот, истакнал дека нивната примарна задача е преку соработка со бизнис заедницата и стопанските комори да работат на создавање на поволна клима и регулатива која ќе ја стимулира и олеснува деловната активност.
Нагласил дека е неопходно олеснување на прометот со стоки и услуги преку редуцирање на административните и царинските бариери во регионот на Средна и Југоисточна Европа.
Самитот е во организација на Меѓународниот економски форум и на него учествуваа претставници на над 200 компании од регионот на Средна и Југоисточна Европа, вклучително и над 30 компании од нашата земја.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово