Тенис
30. September 2017 - 20:29

Шампионските титули за Србљак и за Маринковиќ

На денеска завршеното државно првенство во тенис шампионските титули ги освоија Горазд Србљак (член на Теннис Парк Скопје) кај мажите и Катарина Маринковиќ (членка на ТК Југ) кај жените. Србљак во меч во три сета со 2-1 го победи Димитар Грабул (првак последните три години). Првиот сет го доби Србљак со 6:4 во гемови, а потоа Грабул изедначи откако со истиот резултат го доби и вториот сет. Со 6.4 во гемови за Србљак заврши и решавачкиот сет.

Во женското финале што беше реприза на ланското Маринковиќ ја победи Ана Ристевска со 2-0 во сетови (6:4 и 6:1). Ова за Маринковиќ е четврта титула шампионка на Македонија.
На шампионатот не настапија нашите најдобро рангирани играчи кај мажите Томислав Јотовски (игра на фјучрс турнири во Тунис) и Лина Ѓорческа (која е повредена).