Шампионот ќе слета околу 20.30ч

Ракометарите на Вардар нема да пристигнат во 18:30 часот како што беше најавено, туку во 20:30 часот. Ова го потврди и скопскиот градоначалник Петре Шилегов, а причината била административни проблеми.

„Почитувани, заради административни причини (пасоши, документи и сл) авионот од Келн ќе полета во 18.00 часот. Слетувањето во Скопје е најавено во 20.30 часот.“, напиша Шилегов на својот профил на „Фејсбук“.

Некои од информациите говореа дека главната причина поради одложувањето на летот било заминувањето на генералниот секретар на НАТО, Јенс Столтенберг, но таа информација официјално не е потврдена.

На официјалната страница на аеродромот во Скопје, пишува дека летот од Келн е одложен.