Шахпаска: Дијалогот е отворен, целта е јасна – недела ќе биде неработен ден
Квалитено законско решение за недела како ден за неделен одмор е од клучно значење. Социјалните партнери се согласни дека исклучоци мора да има, но само во одредени дејности и тоа само кај оние работодавачи каде работниот процес е од таква природа што не може да се прекине поради техничко-технолошки процес и потребата од континуитет. За работниците што ќе работат во недела освен соодветниот додаток на плата за работа во ден на неделен одмор согласно закон и колективен договор, им следи и ден за неделен одмор кој ќе го користат во друг ден од неделата, соопшти МТСП.
Економско-социјалниот совет на денешната седница продолжи со дискусијата за предлог-законот за изменување и дополнување на Законот за работни односи, а со кој се регулира денот недела да биде ден за неделен одмор.
– Трипартитниот дијалог е во насока на обезбедување на најдобро и најприфатливо решение и остварување на суштинската цел недела да биде – ден за неделен одмор, односно можност за подобрување на социјалната рамноправност и благосостојбата на сите граѓани како и зголемување на продуктивноста на работниците и работничките, се вели во соопштението.
За работната верзија на предложеното законско решение покрај вицепремиерот Фатмир Битиќи и членовите на ЕСС, свое мислење дале и претставници од Државниот инспекторат за труд кои дале цврста заложба дека имплементацијата на предлог-законското решение за недела ден за неделен одмор ќе биде врвен приоритет.
– Целта на предлог Законот е овозможување на социјално праведна држава во која квалитетот, квантитетот и дигнитетот во приватниот живот на секоја една индивидуа која учествува на пазарот на трудот се гарантирани, посочуваат од Министерството.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација