Свет
27. јуни 2017 - 9:18

Северна Кореја го спореди Трамп со Хитлер

Северна Кореја го спореди американскиот претседател Доналд Трамп со нацистичкиот лидер Адолф Хитлер.

Севернокорејски медиуми јавија дека политиката на Трамп „личи на нацизам на 21 век“, осудувајќи го неговиот слоган Прво Америка (America First).

– Таков слоган зборува за желба за светска доминација и воени средства како што тоа беше случај со концептот на светската окупација на Хитлер“, јави севернокорејската агенција КЦНА. Тие додаваат дека Трамп следи „Хитлерова диктаторска политика“ за поделба на светот на две категории – пријатели и непријатели за да ги оправда своите дела кон непријателите.