Серискиот убиец повторно напаѓа- граѓаните во паника, распишана награда за било каква информација
Страв се вовлече во американскиот град Финикс, откако серискиот убиец повторно нападнал во обид да го зголеми своето црно конто на кое веќе запишал девет жртви. Напаѓачот кого полицијата го нарекла „Уличен убиец“ е одговорен за мистериозните истрели на улиците во главниот град на Аризона, во кои се убиени седум, а ранети двајца луѓе.
Властите потврдиле дека и последниот случај е дело на ист човек. Тогаш, на 11 јули, напаѓачот почнал да пука на возило паркирано во станбениот дел од градот, во кое се наоѓале 21-годишно момче и 4-годишно дете. За среќа, тие не се повредени.
Полицијата пронашла докази кои го поврзуваат тоа пукање со претходните осум, потврдил поручникот Џонатан Хауард.
Властите во Финикс распишале награда од 50.000 долари за било каква информација за убиецот, на тој начин надминувајќи ја претходната од 20 илјади која ја распишал ФБИ.
Минатиот месец полицијата објавила скица од личноста за која верува дека стои зад нападите. Станува збор за личност со латиноамериканско потекло, маж висок околу 175 см, кој е виден во бел олдтајмер од брендот „Кадилак“.
„Уличниот убиец“ го започнал својот пир на 17 март, кога ранил 16-годишно момче кое шетало на улица во вечерните часови. Еден ден подоцна ранил уште едно момче (21), а во април убил две и во јуни уште пет лица.
Ново на Сител
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња
-
Во Велес до 11 часот излезноста на изборите е 16,34, во Чашка 15,27, во Градско 20,62 проценти
-
Ангеловски: Пронајдена испукана димна бомба на гласачко место во Скопје
-
Излезноста до 11 часот на избирачките места во Кочанско е околу 13 отсто