Семејствата на загинатите не ѝ веруваат на бугарската истрага: Ова ќе оди до Стразбур
Членовите на семејствата на загинатите како и на преживеаните во тешката автобуска несреќа на автопатот „Струма“ не се задоволни од извештајот на бугарското обвинителство кој истакна дека причината за несреќата е тоа што возачот изгубил контрола врз автобусот и возел брзо, несоодветно за патот. Тие ќе бараат дополнителна истрага.
– Ќе бараме вистинска истрага. Ова ќе оди до Стразбур! Нека се истакне вистината, некој нека ја преземе одговорноста. Како може шоферот да ја надминал дозволената брзина? Кој автобус оди 120 на час? Јас цел живот сум шофер и тој пат сум го возел неколкупати. Вистината ќе излезе на виделина. Некој нека каже што имало во автобусот, а не дека возачот ја надминал брзината. Не може автобусот тукутака да изгори целосно за 30 минути! Одново ќе има вештачење. Ќе се оди во Стразбур. Немам доверба ни во нашата ни во бугарската држава веќе. Имаме живи луѓе што ја виделе вистината, не им веруваме, а веруваме дека е виновен шоферот, кој е мртов – изјави Ќамуран Пајазитовски, роднина на патник во автобусот на „Беса транс“ за „Слободен печат“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка