Македонија
25. јуни 2017 - 19:17

Семејно недоразбирање причина за тројното убиство Скопје

Утрово околу 10 часот Ш.С.(48) од село Глумово со пиштол извршил убиство на три лица, а едно лице е рането и е пренесено на лекување на скопските клиники, информира МВР во второто соопштение за овој настан.

Сторителот пукал во три лица на улица „П.Гиновски“ во скопската населба Ѓорче Петров. Од нив две починале, М.С. (33) и А.С. (20), двајцата од Глумово, а третото лице, чиј идентитет сѐ уште е непознат, е рането и е пренесено на болничко лекување.

После тоа, Ш.С. заминал во Глумово каде го убил и лицето А.Б.С. (56). После тоа сторителот заминал од местото, а при обид да биде приведен од полициски службеници од единицата Алфа, тој извршил самоубиство.

При вршење увид покрај него бил пронајден пиштол „астра А-80“, кој е подигнат за вештачење.

Според првичните информации од истрагата причина за немилиот настан се семејни недоразбирања. Сторителот, тројцата убиени и повреденото лице се членови на едно семејство, соопшти попладнево МВР.