Семејна трагедија во Прилеп, со огнено оружје ги убил сопругата и нејзината мајка, а го ранил братот на сопругата
Прилепчанец со огнено оружје ги убил сопругата и нејзината мајка, а го ранил и братот на сопругата. Во обид да биде совладан и тој бил повреден.
Јавен обвинител во координација со екипи на крим-техника од Минситерството за внатрешни работи, извршил увид во куќа на ул. „Александар Македонски“ во Прилеп, каде утринава во 8 часот биле пронајдени две безживотни тела.
Од Јавното обвинителство информираат дека безживотните тела на А.П. родена 1979 година и нејзината мајка Т.К. родена 1956 година имале прострелни рани. Во нив пукал сега осомничениот, 50-годишниот поранешен сопруг и зет на починатите.
Со две прострелни рани се здобило и уште едно лице, брат и син на оштетените, кое било во просторијата. Во обидот да биде совладан, повреден е и осомничениот. Повредениот оштетен и осомничениот се пренесени во прилепската болница каде им се укажува медицинска помош.
Во насока на расчистување на кривично правниот настан, по наредба на јавниот обвинител подигнати се и обезбедени траги од лице место. Издадена е наредба за обдукција над починатите. Обезбедените траги од лице место ќе бидат предмет на вештачење.
Јавниот обвинител издал и наредба за претрес во домот на осомничениот прилепчанец кој, според сознанијата на Обвинителството, поради претходно нарушени брачни односи не живеел во заедница со неговата сега почината сопруга.
Ново на Сител
-
ДИК: Првичните неофицијални резултати ДИК ќе ги соопшти околу полноќ
-
Дачиќ: Потезите на Словенија ги нарушуваат односите
-
Најголема излезност во Карпош: Пресек на излезеноста во скопските општини до 17 часот
-
Во Општина Тетово до 17 часот гласале 34.466 луѓе или 40,53 отсто од вкупниот број гласачи
-
Хамас објави видео од израелско-американски заложник
-
Русија и Украина договорија размена на деца одвоени од своите семејства
-
Даштевски: Има прекин на 3 места во Куманово
-
Излезноста до 17 часот е 44,18 отсто