Македонија
16. February 2020 - 15:42

Семејна драма во Скопје - татко нападнат од својот син, итно пренесен во болница

Вчера во 18:01 часот во СВР Скопје било пријавено од страна на Ургентниот центар при комплексот клиники „Мајка Тереза“ Скопје дека кај нив било донесено повредено лице со остар предмет.

Полициски службеници излегле на местото и било констатирано дека станува збор за С.А.(54) од Скопје, кој бил повреден од неговиот син Д.А.(23) во семејниот дом на ул.„Бигла“. Д.А. бил пронајден во домот и лишен од слобода. Се работи на целосно расчистување на случајот, a по негово документирање ќе следи соодветен поднесок.