Ракомет
8. March 2016 - 19:12

СЕХА лига: Ново реми Вардар - Веспрем

Ракометарите на Вардар одиграа нерешено со Веспрем дома 30:30. Во последната минута најпрвин шампионот Веспрем преку Илиќ поведе со 30:29, а во последните секунди Брумен со „маркер“ погоди за изедначување.

Првата посериозна предност Вардар ја имаше во 19.минута кога поведе со 9:6, но брзо Унгарците изедначија, а на полувремето Вардар водеше со 13:12. Почетокот на вториот дел мина во знакот на Веспрем. Гостите поведоа со 19:16 (39.минута). „Црвено-црните“ имаа предност од еден гол во 49.минута (24:23), но пак Веспрем поведе 27:25 (54).
Резултатот беше изедначен дури 17 пати.
Најефикасен на дуелот беше Момир Илиќ со 10 голови, кај Вардар Дибиров и Циндиќ постигнаа по 6.
Веспрем остана на чело на табелата со 44 бодови, Вардар е втор со 41.
Последниот натпревар од регуларниот дел од сезоната Вардар со Мешков Брест ќе го одигра на 29.март на гости.