Седумдесет и пет години од загинувањето на револуционерот Фемо Кулаков
На 75-годишнината од загинувањето на револуционерот Фемо Кулаков, претставници од Боречката организација од Неготино денеска ја посетија детската градинка што го носи неговото име и му оддадоа почит. Кон животот и делото на револуционерот кој загинал на 19 години, се осврна Блаже Настов, член на претседателството на Организацијата.
– Тој учествувал во сите младински активности против окупаторот, бил секретар на Скоевската организација во Кавадарци, засилено работел на организирање младинци за заминување во партизани. На крајот од јули 1944 година со 43 активисти од Неготино, заминал во Втората македонска бригада на Кожуф планина. Бил ангажиран во формирањето на десеттата бригада и поставен за заменик политички комесар и партиски раководител на чета. Со својот храбар и примерен однос, станал омилен раководител, потсети Настов.
Беше положено свежо цвеќе пред спомен бистата на Кулаков, а дечињата од градинката се претставија со неколку музички изведби во негова чест.
Пред присутните се обрати и директорката на градинката Јана Коцева.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка