Седмо издание на Фестивалот за народна култура „Пображење“ во Вевчани
Десетина културно-уметнички друштва и ансамбли на народни песни и игри учествуваат на Фестивалот на народна култура „Пображење“, што во организација на КУД „Дримкол“ од вечерва ќе се одржува во Вевчани.
Големата летна сцена во центарот на Вевчани наредните три дена ќе биде местото каде со своите песни и игри ќе се претстават културно-уметнички друштва од Македонија, Босна и Херцеговина, Словачка, Романија, Хрватска, презентирајќи дел од својата национална култура и фолклор.
- Оваа година 300 уметници од Македонија и странство ќе го слават и фолклорот, традицијата, уметноста. Фестивалот за народна култура „Пображење“ веќе е препознатлив на културната мапа на Македонија, одлично прифатен од населението, а редовно посетуван и од туристите кои летуваат на охридско-струшкото крајбрежје. Тоа е целта, среќни сме што успеваме да ја постигнеме, а од година во година и зголемиме, изјави Тошо Чочороски, претседател на КУД „Дримкол“ од Вевчани.
Во рамки на фестивалот оваа година ќе се одржи и работилница за традиционално пеење предводена од Велика Стојкова - Серафимовска, етномузиколог при Институтот за фолклор „Марко Цепенков“ во Скопје.
Програмската содржина по која ова фестивалско издание ќе го прави поразлично од претходните е и присуството на повеќе уметници во селото кои за време на фестивалот ќе сликаат дела на тема „Народната култура во Вевчани, инспирација за ликовните уметници“. Меѓу нив е и уметникот Сајет Дарвиш од Париз, Франција.
Фестивалот за народна култура „Пображење“ се одржува со финансиска поддршка на општината Вевчани и Министерството за култура.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје