Се зголемува бројот на заболени од грип, за една недела 67 нови случаи
Изминатата недела (од 13 до 19 ноември) се регистрирани 67 нови случаи на заболени од грип, што е зголемување во споредба со претходната седмица кога биле регистрирани 47 заболени лица, се наведува во извештајот на Институтот за јавно здравје на Република Македонија објавен на неговата веб страница.
Во сезоната 2017/2018 вкупниот број заболени од грип изнесува 367.
Најголем број заболени се пријавени во возрасната група од 15-64 години. Изминатата недела најголем број заболени се пријавени од подрачјето на Подрачната единица Гостивар (23 случаи), додека највисока инциденца од 50,4 на 100.000 жители е регистрирана на територија на Подрачната единица Дебар.
Во однос на заболените по возрасни групи, најголем број заболени се пријавени во возрасната група од 15-64 години – 63,8 отсто, а најголема инциденца се регистрира кај лицата над 65 години.
Во епидемиолошките служби на центрите за јавно здравје/подрачните единици вакцинацијата почна на 17 октомври, а на располагање за вакцинација за сезонава се 27.997 дози на вакцина.
Досега се вакцинирани 27.990 лица и се искористени 99,9 отсто од набавените вакцини. Најголем број вакцинирани се на возраст над 65 години – 60,5 отсто, а од вкупниот број вакцинирани, 75,2 отсто се со историја на хронично заболување.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено