Се запали возило од придружбата на Ѓукановиќ: Тројца тешко повредени, возилото било полно со муниција

На влезот во Подгорица, на местото Кокоти околу 17.45 часот дошло до сообраќајна несреќа во која е запален автомобил од придрружбата на претседателот на Демократската партија на социјалистите ДПС, Мило Ѓукановиќ при што се повредени три лица.

Според сознанијата од локалните медиуми, до сударот дошло кога автомобил кој се движел во спротивен правец удрил во возилото од придружбата на Ѓукановиќ.

Во тој автомобил никој не е повредне.

Очевидци велат дека запалениот автомобил бил полн со муниција и дека се слушало пукање.

На терен се екипи на брзата помош.

Увидот е во тек, се чека официјално соопштение на полицијата.