Балкан
12. јуни 2018 - 9:48

Се урна бугарски воен хеликоптер, загинаа двајца пилоти

Бугарски воен хеликоптер се урна синоќа во воздухопловна база во близина на јужниот град Пловдив за време на рутинска вежба. Во несреќата загинаа двајца пилоти додека еден член на екипажот е повреден, соопшти бугарското Министерство за одбрана.

Хеликоптерот Ми-17 од руско производство летал околу 50 минути по што се урнал околу 20.30 по локално време. Истрагата е во тек.

Во јули лани, воен хеликоптер се урна во Црно Море во близина на бугарското крајбрежје за време на тактички вежби и притоа загина еден офицер додека двајца беа повредени.