Се шират морбилите во Гостивар, за пет дена има седум нови случаи
Најновиот извештај на Институтот за јавно здравје, бележи седум нови случаи на заболени од мали сипаници на гостиварското подрачје. Тоа се пациенти кој кои се утврдени морбили во периодот од 20 до 25 април.
Вкупната бројка на заразени во регионот на Гостивар сега изнесува 27, што го става на шестото место во земјава, после Скопје (751), Куманово (109), Тетово (99), Струга (61) и Кичево (30).
Најголем дел од последните регистрирани заболени биле на возраст над 20 години. Според вакциналниот статус, 71,6% се невакцинирани, непотполно вакцинирани или со непознат вакцинален статус. Поради исполнување на епидемиолошките критериуми, епидемија од мали сипаници е прогласена на цела територија на земјава од минатата недела.
На инфективната клиника во Скопје, 16-годишно девојче, со компликации од морбили, а кое има церебрална парализа, се бори за живот, а во потешка состојба се уште шест пациенти. Во вакциналните служби и на терен се спроведува вонредна вакцинација со МРП, а невакцинирани деца не се примаат во градинка и во училиште.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање