-->
-->
Се самоуби крадец на вредна колекција вина- скокна од луксузен хотел
-->
Поранешниот личен асистент на извршниот директор на „Голдман Сакс” се самоуби скокајќи од хотел на Менхетн, истиот ден кога требаше да се појави во федералниот суд каде е обвинет за кражба на ексклузивна колекција вина од неговиот поранешен шеф.
Николас Де Мајер е обвинет за крадење на висококвалитетно вино вредно над 1,2 милиони долари од колекцијата на неговиот поранешен шеф, Дејвид М. Соломон, кој сега е главен извршен директор на ,,Голдман Сакс”.
Тој требал да се појави вчера во федералниот суд во 14.30 часот. Но, само осум минути подоцна полицијата примила повик дека тој се фрлил од хотелот.
Де Мајер (41) скокнал од 33-тиот кат на луксузниот хотел Карлајл, каде што престојувал. Властите соопштија дека тој бил прогласен за мртов на местото на настанот.
Полицијата го испитува случајот како самоубиство.
Додека бил личен асистент на Соломон, Де-Мајер место да го испорача виното до визбата на Соломон во Источен Хемптон, на Лонг Ајленд, тој украл стотици шишиња кои ги продал на дилер од Северна Каролина.
Меѓу огромната колекција, највредни биле седум шишиња од Domaine de la Romanée-Conti, француски пино-ноар од Бургундија, произведен од едно од најпознатите лозја во светот. Рецензентите ги опишаа вината кои можат да достигнат десетици илјади долари по шише, како ,,течнокадифе”. Соломон ги купил шишињата за 133.650 долари.
Де Мајер беше уапсен на Меѓународниот аеродром во Лос Анџелес во јануари, но до неодамна живееше во Охајо. Тој се соочуваше со казна од 10 години затвор.
-->
-->
-->
Ново на Сител
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче