Се самораспушти Хрватскиот сабор
Храватскиот сабор денеска со 137 гласови „за“ донесе одлука за самораспуштање, која стапува во сила на 15 јули.
„Против“ распуштањето гласаа двајца пратеници, а „воздржан“ беше само еден член на Саборот.
Од 15 јули ќе започне да тече уставниот рок за распишување предвремени парламентарни избори, кои според Уставот, мора да се одржат најмалку 30, а најмногу 60 дена од распуштањето на Саборот.
Одлуката за датумот на одржување на изборите ќе ја донесе хрватската претседателка Колинда Грабар Китаровиќ, која по минатонеделните консултации со претставниците на парламентарните партии истакна дека речиси сите се согласуваат изборите да се одржат на почетокот на септември.
Одлкуката распуштање Хрватскиот сабор ја вклучи како вонредна точка на дневниот ред на денешната седница.
Распуштање на Саборот побараа вкупно 89 пратеници од Хрватските лабуристи, Жив ѕид, Самостојна демократска српска партија, Реформистите, коалицијата „Хрватска растр“, Милан Бандиќ 365, Блокот пензионерите заедно, Хрватска иницијатива за дијалог и пратениците на националните малцинства и независната пратеничка Гордана Русак.
Повеќето предлагачи. како предлог датум за распуштање го дадоа 15 јули, што и на крајот беше изгласано како конечна одлука.
Ново на Сител
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии