Се преврте автомобил полн со мигранти кај Струмица, седум повредени
Седум лица од кои три потешко се повредени во сообраќајка несреќа која минатата ноќ се случила кај кружниот тек на излез од Струмица кон Радовиш.
Според информациите од полицијата до сообраќајната несреќа дошло кога А.А. (25) од скопско Инџиково изгубил контрола над возилото „Алфа Ромео“ со кое превезувал шест мигранти, удрил во метален столб за улично осветлување и се превртел на кров.
Возачот се здобил со тешки повреди, скршеница на десната потколеница и коски на лицето, четириесет и шест годишната Сиријка С.Х. исто така е тешко повреда во сообраќајката со скршени десет ребра. Најтешко повреден е Н.Н. од Пакистан кој има скршеници на главата и се наоѓа во коматозна состојба. Поради сериозните повреди овие три лица биле пренесени во Ургентниот центар во Скопје.
Со полесни повреди поминале останатите четворица мигранти кои биле во возилото кои по укажаната лекарска помош се пуштени од болница, Сиријците М.Х. (19), М.Х.(36), Пакистанецот А.А. (20), и дваесет и две годишната Пакистанка С.М.
Полициски екипи во присуство на јавен обвинител извршиле увид на местото на несреќата. Со дел од мигрантите е разговарано, по што истите ќе бидат пренесени во прифатниот центар во Гази Баба.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка