Лекарите од локалната болница „Сао Лукас“ ја повикале полицијата кога Родригез во понеделникот се појавила со новороденчето, тврдејќи дека тукушто се породила. Персоналот веднаш се посомневал зошто „вознемирената“ 40-годишна жена одела потполно нормално и не сакала да ја прегледаат.
Кога полицијата вчера го пронашла телото на жртвата, ја уапсила Анхелина и нејзиниот сопруг Роберт Гомеш да Силва.
Родригез подоцна признала дека ја опила жената, ја врзала со жица за дрво, а потоа и го расекла стомакот и и го извадила детето од утробата.
Иако тврди дека нејзиниот маж не учествувал во злосторството, полициајта се сомнева дека таа сама не можела тоа да го изведе.
„Веруваме дека учестувал и нејзиниот маж и трето лице, а истрагата ќе го расветли случајот“, велат од таму.
Тетката на жртвата Еуса Рибеиро изјавила дека Родригез се зближила со Да СИлва откако дознала дека е бремена и носи девојче.
„Таа жена отсекогаш сонуваше да има ќерка, а кога виде дека мојата внука е бремена, почна да и помага. И позајми пари за ултрзвучен преглед. Тој дека рече дека оди да купи се што е потребно за бебето“, рече таа.