Македонија
21. March 2019 - 15:13

Се подобрува уличното осветлување во Берово

Во општина Берово во тек се активности за целосна замена на уличното осветлување на ул. „Маршал Тито’’. Со активностите, како што информираат од општината, старите и дотраени светилки ќе бидат заменети со нови функционални светилки.
 
– Во пресрет на туристичката сезона, Општина Берово, што е задолжена за одржување на јавното осветлување на градот, врши проверка и замена на оштетени и нефункционални светилки, на главната улица во градот. Целта е од една страна да се подобри осветлувањето во централното градско подрачје, а од друга страна новото осветлување ќе придонесе за подобра видливост и заштеда на енергија, велат од општината.
 
Од таму упатуваат апел до граѓаните навремено да ги пријавуваат проблемите со уличното осветлување на телефонските линии на општината, или директно во просториите на Општина Берово.
 
Според планираното, замената на уличните светилки во Берово ќе продолжи и во останатите реони во градот.