Се очекува инфлацијата во Аргентина да достигне 95 отсто

Економистите ја зголемија својата прогноза за годишната инфлација во Аргентина на 95 отсто. Ова го покажа месечната анкета објавена од централната банка. Земјата се бори да ја надмине долготрајната економска криза.  Најновата прогноза за остар раст на цените е за 4,8 процентни поени повисока од проценката од претходниот месец.    

Аналитичарите веруваат дека инфлацијата во Аргентина се зголемила за 6,5 отсто во август.  Според анкетата, годишната инфлација во јужноамериканската земја се очекува до следната година да достигне 84 отсто, а во 2024 година да се спушти на 63 отсто. 

Аналитичарите анкетирани од централната банка скромно ја зголемија својата прогноза за економскиот раст на Аргентина оваа година на 3,6 отсто.  Третата по големина економија во Латинска Америка долго време страда од висока инфлација, влошена од последиците од војната меѓу Украина и Русија.