-->
-->
Се обележува патеката до планината Средна во село Разловци
-->
Делчевските планинари ја завршија втората фаза од проектот за поставување информативни табли на планината Средна. Маркирањето на патеката, како што информираше планинарот Љупчо Чучуковски, се реализирало во должина од 12 километри со стартна точка во село Нов Истевник.
– Првата фаза за маркирање на планинарската патека до планината Средна опфаќаше маркирање со ГПС уред како и маркирање на патеката со црвено бела боја според Књефелцовата метода. Патеката започнува од село Нов Истевник, односно Балабанска маала, потоа малку познатиот, но сепак атрактивен локалитет „Истевнички Кукуље“, потоа преку врвот Бејаз Тепе, 1.348 метри надморска висина кој е највисок врв на планината Средна се до крајот на патеката во село Разловци, информира Чучуковски.
На овој начин, како што додаде претседателот на ПСК „Голак“, целта е да се промовира планината „Средна“, а исто така да се збогати и туристичката понуда во Општина Делчево.
-Во идниот период следува третата фаза на патеката, односно поставување на патоказите кои почнуваат од село Истевник до крајната точка село Разловци, додава Чучуковски.
Целосните активности за реализацијана овие активности финансиски се овозможени од страна на локалната самоуправа во Делчево.
-->
-->
-->
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје