Се гради мост во светиниколската населба „Долни Ливади“
Во населбата „Долни Ливади“ во Свети Николе денеска почна изградбата на нов мост на река „Мавровица“ на местото на урнатиот мост од високиот водостој на реката во февруари минатата година.
Градоначалникот на општина Свети Николе, Зоран Тасев, вели дека по уривањето на мостот, општината веднаш презеде активности за барање на извори за финансирање, со што се обезбедија парични средства од мисијата на Европската Унија, а целокупната процедура ја води мисијата на УНДП. Покрај изградба на новиот мост е предвидена и изградба на ново речно корито пред и после мостот во должина од 170 метри.
- При обилните дождови минатата година беше зголемен водостојот на реката од 45 метри кубни во секунда што предизвика поткопување на темелите и уривање на мостната конструкција која остана да стои во речното корито. Тоа претставуваше сериозна опасност за излевање на водата од коритото и поплавување на објектите и околното земјиште. Изразувам голема благодарност на мисиите на ЕУ и УНДП за поддршката и дадените средства за реализацијата на проектот, истакна градоначалникот на општина Свети Николе Зоран Тасев.рече Тасев.
Мостот на реката Мавровица во населбата Долни Ливади се очекува да биде изграден до март 2017 година. Изведувач на работите е градежната компанија „ Промонтинг“ од Скопје.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите