-->
-->
Се градат улици во велешкото село Иванковци
-->
Увид во градежните работи во велешкото село Иванковци денеска направи градоначалникот Славчо Чадиев со својот тим.
Како што информира Чадиев, моментално се уредуваат и бетонираат две улици во ова велешко село во должина од 600 метри и каналници од 275 метри, за што од Програмата за рурален развој, Општина Велес обезбедила 5 милиони денари.
Ако дозволат временските услови, двете улици, според Чадиев, треба да бидат готови за две недели.
- Со ова се решаваат два горливи проблеми на жителите од ова село, но останува да се реши проблемот и со остантите две-три улици во ова село, најави Чадиев.
Тој информира дека се средуваат и некои од улиците во Велес, а најави и оти за десетина дена е планирано досредување и на урбаната опрема околу патеките на велешкото Езеро „Младост“.
Чадиев најави и средување на улиците во велешкото село Караслари, а во селото Иванковци најави дека се подготвува тендерска постапка за изградба на нова училишна зграда.
Имено, училиштето во ова село изгоре во пожар од пред неколку години, по што беше изградено монтажно училиште каде веќе неколку години се изведува наставата, а каде моментално учат 85 ученици од прво до деветто одделение.
Марјанчо Ангеловски претседател на Месната заедница од село Иванковци искажа благодарност до Општина Велес за преземените активности во селото, кои според него, значат многу за жителите од ова најголемо велешко село со 850 жители.
-->
-->
-->
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок