Македонија
30. July 2016 - 14:06

Се чека половина час за влез и за излез од Македонија

Околу половина час има задржување на граничните премини од македонска страна за влез и за излез од државата. Нормализиран е и сообраќајот кај тунелот Демир Капија каде поради сообраќајна несреќа беше затворена едната лента, соопшти АМСМ.   

Сообраќајот на сите државни патишта во Македонија се одвива без забрани, по суви коловози.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Поради високите температури се препорачува патување во раните утрински и вечерни часови, да се прават почести одмори и да се конзумираат повеќе безалкохолни пијалоци.