Се асфалтира финалниот слој на улицата „Алија Авдовиќ“
Увид во градежните активности за ставање на финалниот слој на асфалт на улицата „Алија Авдовиќ“ во населеното место Сингелиќ денеска направија градоначалниците на Град Скопје и на општина Гази Баба, Коце Трајановски и Тони Трајковски.
Реконструкцијата на патот, чија должина изнесува 550 метри, а широчина на коловозот околу 6 метри, со две коловозни ленти и тротоари од двете страни на коловозот, во вредност од околу 8 милиони денари ја финасира Град Скопје.
На улицата, која ја користат и жителите на Стајковци, Страчинци, Виниче, Црешево, Смилковци, Булачани и Раштак, направена е атмосферска канализација и е поставено улично осветлување од едната страна.
Градоначалникот Трајковски истакна дека во изминатиот период општина Гази Баба направи реконструкција на патот на потегот од Сингелиќ кон Стајковци, во должина од 1,7 километри. Се работи интензивно и на санација на останатите улици низ општината, каде се вклучени ЈП Македонија пат, за улиците кои се по програмата на Владата и ЈП Улици и патишта за улиците кои се во програмата на Град Скопје.
Тој посочи дека за годинава е предвидена санација на околу 80 улици.
Ново на Сител
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен