СДСМ: ВМРО-ДПМНЕ продолжува со праксата на создавање тензии
Со повикот до своето членство да не присуствува на одбележувањето на еден од најзначајните датуми во историјата на Македонија, ВМРО-ДПМНЕ продолжува со старата пракса на создавање поделби и тензии меѓу граѓаните, реагира денеска СДСМ преку соопштение.
- Оние кои лажно повикуваа на четврти Илинден, решија да го бојкотираат чествувањето токму на Илинден и на 2 Август, со што го погазуваат вековниот стремеж за слободна и независна Македонија. Одбележувањето на 2 Август е заедничка вредност на сите граѓани на Република Македонија без разлика на нивната партиска, етничка или религиска припадност, се наведува во соопштението.
Од СДСМ сметаат дека ВМРО-ДПМНЕ треба вистински да се реформира, да се надмине себеси, деструктивниот начин на однесување и конечно, како што истакнуваат, да стави крај на политиките што создаваат поделби меѓу граѓаните.
- ВМРО-ДПМНЕ ниту смее, ниту може, да им сугерира на граѓаните дали и како да го чествуваат празникот што е длабоко врежан во историјата на нашата заедничка Република Македонија, се наведува во соопштението од ССМ.
Ново на Сител
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада