СДСМ: Пописот е важен за развојот на државата - ВМРО-ДПМНЕ ги манипулира граѓаните
Целта на пописот што ќе се одржи напролет е да ја утврди реалната слика во државата, да прибере релевантни и кредибилни податоци, врз чија основа ќе се креираат реални стратегии и развојни политики во државата, пишува во соопштението на СДСМ утринава.
Од партијата наведуваат дека ВМРО-ДПМНЕ е против напредокот на оваа земја, а сега тоа го потврдува со обидите да го политизира пописот, за своите партиски агенди и се фокусира на измислици и критики.
„Со повиците за бојкот на пописот и најавите за собирање потписи за поништување на законот за попис, ВМРО-ДПМНЕ ги манипулира граѓаните. Ако во некое место се попишат помалку граѓани од реалната бројка, опозицијата ќе биде виновна ако заради тоа не се изгради болница, градинка, игралиште, ако некој инвеститор не отвори работни места, бидејќи смета дека нема доволно работна сила. Најавата за собирање на потписи против законот за попис на ВМРО-ДПМНЕ е неискрена, бидејќи само со потписи не се става законот надвор од сила, туку треба нов закон. Очигледно е дека ВМРО-ДПМНЕ, Мицкоски и неговиот шеф Груевски се против интересите на граѓаните и на државата, не сакаат ова земја да успее, но нивните деструктивни политики уште еднаш ќе бидат поразени, како што беа на шестте последни изборни соочувања со граѓаните.
Од една страна изразуваат сомнеж во уште неодржан попис, од друга страна во 2011 година, со неуспешниот обид, покажаа дека не се кадарни да организираат попис. Оваа пролет по цели 19 години во државата ќе се спроведе најобемната статистичка операција според сите меѓународни стандарди, во интерес на напредокот на граѓаните и на државата.“ стои во соопштението.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок