СДСМ: Македонија се соочува со есенскиот бран на корона вирусот

Македонија се соочува со есенскиот бран на корона вирусот и тоа е причината за растот на бројот на позитивни случаи, сметаат од владејачката СДСМ од каде додаваат дека причина плус е непочитувањето на мерките од страна на одредени граѓани и фирми. 

Поради тоа Владата предводена од СДСМ, на барање на инспекцискиот совет усвои измени на Законот за заштита на население од заразни болести. Со овие измени сите инспекциски служби добиваат нови, поголеми овластувања за справување со прекршителите на ковид протоколите.

Досега само Државниот здравствен и санитарен инспекторат имаше овластувања да изрекува мерки, а другите инспекциски служби само поднесуваа кривични пријави за непочитување на протоколите.

Со новите законски измени вакво овластување за изрекување на забрана за работа и прекршочен платен налог добиваат и Државниот пазарен инспекторат, Државниот инспекторат за труд, Државниот инспекторат за транспорт и другите инспекторати на централно и локално ниво – велат од СДСМ во писменото соопштение испратено утрово.

Александар Спасовски