СДСМ: Инвестиции од 600 милиони евра за патна инфраструктура во првите две години
Инвестиции од 600 милиони евра во првите две години од мандатот на новата Влада за изградба на нови и реконструкција на веќе постоечките автопати, магистрални и регионални патишта, најави денеска СДСМ преку соопштение испратено до медиумите.
- Проектите на ВМРО-ДПМНЕ во патната инфраструктура се симбол за криминал, корупција и несовесно работење. Таков е примерот за автопатните делници Миладиновци – Штип и Кичево –Охрид за кои се отворени истраги во Специјалното јавно обвинителство, како и отвореното обвинение за проневера и перење пари при изградбата на автопатот Демир Капија – Смоквица, случај кој го истражуваше и Европската агенција за борба против корупцијата, ОЛАФ, се истакнува во соопштението.
СДСМ посочува дека завршило времето на, како што се вели, криминални тендери и потстапки, а новата реформска Влада посветено и отчетно ќе работи на спроведување на реформите коишто ќе донесат нови патишта, повисоки плати, нови работни места и правна држава. Од партијата порачуваат дека ќе има и одговорност за сите злоупотреби на парите на граѓаните.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање