Македонија
17. јуни 2017 - 21:02

СДСМ: Граѓаните ќе ја увидат разликата помеѓу ВМРО-ДПМНЕ и СДСМ

СДСМ во пишано соопштение наведува дека 11. години власт на ВМРО-ДПМНЕ ќе бидат запаметени единствено како години на криминал, корупција, сиромаштија и масовно иселување на работоспособното население надвор од државата.

- ВМРО-ДПМНЕ за скоро 11 години владеење имаа неброени шанси да направат нешто добро за граѓаните и државата. Но наместо тоа, Груевски и соработниците беа единстевните кои правеа се да ја осиромашат, изолираат и уназадат државата, додека во меѓувреме криминално се богатеа, велат од СДСМ.

Затоа, као што наведуваат од СДСМ во соопштението, потребно е чесните членови, пратеници и активисти на ВМРО-ДПМНЕ да се приклучат кон демократизацијата и да започнат внтарепартиски реформски процеси и да се оградат од ретроградните, насилните и антидржавнички политики на Никола Груевски.  - Тоа е добро и за државата, за демократијата но и за самото ВМРО-ДПМНЕ кое треба да биде конструктивна опозиција која активно ќе учествува во реформските процеси кои носат добро за сите, велат од СДСМ.

Граѓаните, како што посочуваат од СДСМ, навистина ќе ја увидат разликата помеѓу ВМРО-ДПМНЕ и СДСМ. - СДСМ преку новата Влада што ја предводи ќе ги врати правдата, економскиот напредок и животот и ќе ги отвори евро-атлантските перспективи, се наведува во соопштението.