СДСМ: ДКСК е доказ за огромната партизација на институциите од страна на ВМРО-ДПМНЕ
Државната комисија за спречување на корупција (ДКСК) е синоним за државна инстутуција заробена и злоупотребна од страна на ВМРО-ДПМНЕ, а последен доказ за тоа е и нивната неуспешна акција да го спречат разрешувањето на Марко Зврлевски и да го заштитат криминалот на ВМРО-ДПМНЕ, порачува СДСМ во реакција на денешната прес-конференција на Трајче Димков од ВМРО-ДПМНЕ.
Димков, денеска на партиска прес-конференција истакна дека постапката за разрешување на јавниот обвинител Марко Зврлевски во Собранието на Република Македонија е целосно незаконска, а тоа, како што рече, го потврдила и Антикорупциската комисија.
- Наместо да спречува корупција, криминал и злоупотреби, Комисијата во изминатите години работеше селективно, непрофесионално и исклучиво во заштита на криминалот и корупцијата на ВМРО-ДПМНЕ. Со непостапувањето по стотиците пријави, скандали и сомнежи за сторен криминал, Државната комисија за спречување на корупција стана соучесник во криминалното владеење на ВМРО-ДПМНЕ, се вели во реакцијата од СДСМ.
Досегашната работа на Државната Комисија за спречување на корупција, се додава, е доказ за огромната партизација на инситуциите од страна на ВМРО-ДПМНЕ и ја потврдува потребата од започнатиот процес на ослободување и професионализација на државните институции.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите