Саудиска Арабија заплени играчки во бои на виножито затоашто „промовирале хомосексуалност“

Властите на Саудиска Арабија запленија играчки и детска облека во боите на виножитото, со објаснување дека преку нив „поттикнува хомосексуалноста“.

Телевизијата Ал Екбарија објави дека тамошното Министерство за трговија од продавниците во Ријад повлекува повеќе артикли, вклучително и штипки за коса, маици, капи и футроли за моливи.

Еден функционер изјави дека таквите предмети се „против исламот и јавниот морал и на младите им промовираат хомосексуални бои”.

Министерството за трговија на Твитер објави дека конфискува „производи кои содржат девијантни симболи и знаци и се во спротивност со здравиот разум”, објави Би-Би-Си.

Продавниците кои ќе одлучат да ги продаваат производите во боите на виножитото, ќе бидат казнети.