Сателитски снимки потврдија дека е уништен храмот Бел во Палмира
Главниот храм во античкиот град Палмира, во северниот дел на Сирија, е уништен, за што потврдуваат сателитски снимки, соопштено е од седиштено на ОН.
Претходно е објавено дека храмот Бел во Палмира, кој е под контрола на џихадистичката група Исламска држава (ИД), е миниран.
Шефот на сириското Одделение за антиквитети и музеи Мамун Абдулкарим вчера изјави дека основната структура на храмот, кој е стар околу 2.000 години, останала недопрена.
Меѓутоа, сателитските снимки на агенцијата ОН/УНОСАТ, која се занимава со помош на хуманитарните организации преку анализи на фотографии од вселената, покажале дека на оваа локација всушност повеќе нема ништо.
- За жал, според снимките кои ги добивме, можеме да заклучиме дека главната зграда на храмот е уништена, истакна денеска шефот на УНОСАТ, Ејнар Бјорго, додавајќи дека освен зградата уништени се и неколку околни столбови.
Минатата недела беше потврдено дека е уништен храмот Бал Шамин во Палмира.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО