Сашко Богески го уби крадецот што провали во неговиот стан: На суд ја објавија снимката од неговата жена како ја моли полицијата за помош
Сашко Богески кој во мај 2013 година во својот стан во Белград го уби провалникот Владимир Маниќ, вчера пред Вишиот суд во Белград остана при својата одбрана дека таа ноќ само се обидел да го заштити своето семејство и себе.
Да потсетиме, во завршната фаза од судењето, покрај изнесувањето на завршните зборови пред донесувањето на пресудата, обвинителството одлучи Богески повеќе да не го товари за убиство, туку за пречекорување на нужната одбрана.
-Останувам при одбраната која претходно ја изнесов, рече вчера Богески. На почетокот на судењето тој детално опиша како таа вечер седел во дневната соба кога исплашената сопруга му пришла и му рекла дека во станот имаат провалник.
-Се преплашив. Отидов до кујната, зедов нож да го заштитам семејството и себе. Додека се движев низ станот, наеднаш лицето ми го осветли светло од телефон или батериска лампа. Видов како кон мојата глава оди нешто остро. Тогаш почнав да замавнувам со ножот, раскажа Богески како дошло до тоа човекот кој му влегол во станот да го убие со кујнски нож.
На судот денеска како последен доказ се изведени две аудио снимки од повикот на неговата сопруга Ира, упатени до полицијата. На првиот се слуша како и објаснува на полицијата дека има провалник во станот и итно да испратат патрола, додека во другиот разговор моли за помош.
-Ве молам, некој ни провалува во станот, ве повикав веќе. Дали испративте некој, Треба ли да не убијат сите?, се слуша гласот на жената.
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти