Саша Богдановиќ повторно кандидат за градоначалник на Општина Центар

Актуелниот градоначалник на Општина Центар, Саша Богдановиќ соопшти дека повторно ќе се кандидира за градоначалник.

„Почитувани другари и другарки, сопартијци и соборци, драги центарци, Денеска во просториите на Општинска Организација СДСМ Центар, ја потпишав изјавата за прифаќање на кандидатурата добиена од месните одбори. Покрај пополнетата изјава и личната биографија, ја доставив и програмата со која сакам да ја побарам поддршката од мојата партија за кандидат за градоначалник на Општина Центар на претстојните локални избори. Во изминатите години постигнавме многу за центарци, а знам и верувам дека ќе постигнеме уште повеќе.“, напиша Богдановиќ на Фејсбук.