Сараево: Заврши тридневната Конференција на началниците на генералштабовите на балканските земји
Четиринаесетата конференција на началниците на генералштабовите на балканските земји за воена соработка (Форум Б-9) официјално заврши денеска во Сараево, со серија неформални меѓусебни контакти.
Како што јави сараевскиот портал Кликс, тридневниот собир насочен кон зајакнување на балканската воена соработка и одговор на безбедносните предизвици во регионот резултираше со заедничка изјава, потпишана вчера од началниците на штабовите на девет земји-членки на Форумот Б-9.
Во заедничката изјава се оценува тековната соработка како многу успешна и значајна и се посочува дека во наредниот период форумот ќе се залага за понатамошно унапредување на соработката.
– Овој форум претстави исклучително важна иницијатива за зајакнување на мултинационалната воена соработка во регионот, потврдувајќи ја желбата за зајакнување на соработката меѓу вооружените сили на балканските земји и има за цел унапредување на регионалната стабилност и безбедност, како и зајакнување на веќе воспоставените и барање за нови механизми за соработка. Тоа ќе резултира со подобро безбедносно опкружување за сите наши земји, изјави главниот домаќин на конференцијата, началникот на Здружениот штаб на вооружените сили на БиХ, генерал полковник Сенад Машовиќ.
Главната работна тема на конференцијата беше насловена – „Интеграција: соработка и партнерство – фактори на регионалната и глобалната стабилност и безбедност – перспективи, предизвици и одговор на Ковид-19“.
Членовите на Форумот Б-9 се: Албанија, БиХ, Бугарија, Црна Гора, Грција, Романија, Северна Македонија, Србија и Турција, потсетува Кликс.
Покрај претставници на земјите членки, високи претставници на Воениот комитет на НАТО, Воениот комитет на ЕУ, Командата на здружените сили во Неапол, Командата на вооружените сили на САД во Европа, како и претставници на земјите набљудувачи, односно највисоките претставници на хрватските вооружени сили и на Словенија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка