Македонија
21. December 2020 - 9:38

Самоизолација од 14 дена за сите граѓани кои од Велика Британија доаѓаат во Македонија

Комисијата за заразни болести утринава со нова мерка – самоизолација од 14 дена за сите граѓани кои во земјата ќе дојдат со директни летови од Велика Британија. По мутираниот вирус на Ковид 19 во оваа островска земја, Комисијата одлучила оваа нова рестриктивна мерка како предлог да биде предложена до Кризниот штаб. 

За разлика од најавите дека амбасадорите на ЕУ на денешниот состанок ќе расправаат и за евентуални задолжителни ПЦР тестови од оваа земја, Комисијата проценила дека засега нема потреба од тоа, туку апелираат до граѓаните кои патуваат да ги почитуваат здравствените протоколи. 

Инаку, по ширењето на мутираниот вирус во уште неколку земји надвор од границите на Британија, повеќе европски земји веќе ги забранија летовите од Велика Британија.

 

Сања Димитровска